Մոսկուան հերքեր է Ատրպէյճանի նախագահ Իլհամ Ալիեւի խօսքերը` Լեռնային Ղարաբաղի մէջ Ռուսաստանի հետ միասին թուրքական խաղաղապահներու տեղակայման մասին: ՌԴ արտաքին գործերու նախարարութեան ներկայացուցիչ Մարիա Զախարովայի խօսքերը հնչեր են «Էխո Մոսկուա» ռադիոկայանի եթերին:

«Կարեւոր պահ մը, որուն կը ցանկանայի հրաւիրել ձեր ուշադրութիւնը, կը վերաբերի խաղաղապահ ուժերուն: Խօսքը Ռուսաստանի Դաշնութեան խաղաղապահ ուժերու մասին է»,- շեշտեր է Զախարովան: Ան ընդգծեր է, որ խօսքը Լեռնային Ղարաբաղի շփման գիծի երկայնքով խաղաղապահներու մասին է: Նշուած է նաեւ, որ այս տարածաշրջանի կարգավիճակի հարցը ամրագրուած է Ռուսաստանի, Հայաստանի եւ Ատրպէյճանի համատեղ յայտարարութեան մէջ, կը փոխանցէ «Լենտա»-ն: