Թուրքիան պէտք է ընդունի Լեռնային Ղարաբաղի մէջ պատերազմի դադարեցման մասին յայտարարութեան ստորագրումը, հակառակ պարագային ԵՄ-ն կարող է լրացուցիչ պատժամիջոցներ կիրառել Թուրքիոյ նկատմամբ: Ինչպէս կը տեղեկացնէ «Արմենպրես»-ը, վկայակոչելով ՏԱՍՍ-ը, այս մասին յայտարարեր Է Ֆրանսիայի արտաքին գործերու նախարար Ժան Իվ Լը Դրիանը՝ ելոյթ ունենալով Ֆրանսիայի խորհրդարանի ստորին պալատի նիստին։

«Կարեւոր կը համարենք, որ Թուրքիան լիովին հստակ պահպանի համաձայնեցուած հրադադարը, քանի որ, հակառակ պարագային, անոր նկատմամբ կարող են կիրառուիլ պատժամիջոցներ», – յայտարարեր է Ժան Իվ Լը Դրիանը՝ պատասխանելով պատգամաւորի՝ Լեռնային Ղարաբաղի իրադարձութիւններու վրայ Թուրքիոյ ազդեցութեան մասին հարցին:

Ֆրանսիայի ԱԳ նախարարը հստակեցուցեր է, որ Դեկտեմբերին ԵՄ երկիրները հերթական գագաթնաժողով կանցկացնեն, որու ընթացքին կը քննարկեն նաեւ Թուրքիոյի ագրեսիւ պահուածքը:

«Աւելի վաղ, ԵՄ  27 երկիրներն արդեն կ՛որոշեն ընդունիլ, որ եթէ Թուրքիան չի փոխէ վարքագիծը, ապա անոր նկատմամբ միջոցներ կը ձեռնարկուին ընդհուպ մինչեւ պատժամիջոցներ, այդ տարբերակներն արդեն սեղանին են», – ընդգծեր է ան: