Միունխենի մէջ գործող hանրայայտ ECM ձայնագրման ստուդիան օրերս թողարկեր է Տիգրան Մանսուրեանի «Հոգուով իմոյ» (Con anima) հեղինակային ձայնասկավառակը, որուն մէջ ընդգրկուած է սիրուած կոմպոզիտորի վեց ստեղծագործութիւն:

«Արմենպրես»-ի թղթակիցի հետ զրոյցի ժամանակ կոմպոզիտորն ըսաւ, որ սկավառակն կամփոփէ վերջին տարիներուն ստեղծած կամերային գործերը: «Այս ձայնագրութիւններուն մէջ կարեւոր ուղղուածութիւն ունին հոգեւոր երաժշտութեան աւանդոյթները»,- ըսաւ Մանսուրեանը:

Սկավառակին անդրադարձեր է յայտնի երաժշտական քննադատ Նորման Լեբրեխտը, որու կարծիքով այս լարուած ու դժուար ժամանակներուն «Con anima»-ն կարող է դառնալ կեանքի յառաջիկայ 15 վարկեան անցկացնելու լաւագոյն ձեւը:

«Մանսուրեանի ձայնն անշփոթելի է։ Անոր լեզուն հայերէնն է, սակայն անոր երաժշտութիւնը դրոշմուած է մինիմալիզմին, ատոնալիզմին եւ միկրոտոնային համակարգին եղած հղումներով»,- նշեր է Լեբրեխտն յիշեցնելով, որ ECM ընկերութիւնը տարիներ շարունակ անդրադարձեր է Տիգրան Մանսուրեանի ստեղծագործութիւններուն:

«Յոյս յայտնենք, որ Մանսուրեանը կը կարողանայ շարունակել ստեղծագործել խաղաղ պայմաններով»,- եզրափակեր է երաժշտական քննադատը: