ՄԱԿ-ի Մարդու իրաւունքներու հարցերով փորձագետները յոյս  յայտներ են,  Լեռնային Ղարաբաղի մէջ պատերազմի դադարեցման մասին յայտարարութեան ընդունումը կը հանգեցնէ տարածաշրջանին մէջ կայուն խաղաղութեան: Այս մասին «Արմենպրես»-ը տեղեկացաւ ՄԱԿ-ի մարդու իրաւունքներու գերագոյն հանձնակատարի գրասենեակի պաշտօնական կայքէջէն:

Փորձագետները մտահոգուած են Լեռնային Ղարաբաղի հակամարտութեան գոտիին եւ անոր շուրջ վարձկաններու օգտագործման փաստով:

ՄԱԿ-ի վարձկաններու օգտագործման հարցերով աշխատանքային խումբը յայտարարեր է, որ լայնօրէն տարածուած են հաղորդագրութիւններն այն մասին, որ Ատրպէյճանի կառավարութիւնը Թուրքիոյ աջակցութեամբ ԼՂ հակամարտութեան գոտիին մէջ օգտագործեր է սուրիացի գրոհայիններու, այդ թիւին՝ ռազմաճակատին իրենց դիրքերը ամրապնդելու եւ պահպանելու համար: Խումբը մտահոգութիւն  յայտներ է նաեւ Լեռնային Ղարաբաղի հակամարտութեան գոտիին եւ անոր շուրջ, ինչպէս նաեւ այլ շրջաններուն մէջ քաղաքացիական բնակավայրերու վրայ կանխամտածուած եւ անխնա հարձակումներու մասին բազմաթիւ հաղորդագրութիւններու առնչութեամբ, ինչը կը հանգեցնէ քաղաքացիական բնակչութեան զոհերու: 

Փորձագետները վերոհիշեալ մեղադրանքներու վերաբերեալ իրենց մտահոգութիւնները փոխանցեր են անմիջապէս Ատրպէյճանի եւ Թուրքիայի կառավարութիւններուն եւ տեղեկացուցեր են Սուրիայի Արաբական Հանրապետութեանը: