Արցախի մարդու իրաւունքներու պաշտպանը հրապարակեր է արտահերթ զեկոյց Արցախի Հանրապետութեան դէմ Ատրպէյճանի ագրեսիայի հետեւանքով երեխաներու իրաւունքներու խախտման վերաբերեալ: Զեկոյցի ժամանակ ներկայացուած են Սեպտեմբերի 27-էն մինչեւ Նոյեմբերի 9-ը Ատրպէյճանի կողմէ Արցախի ժողովրդի դէմ սանձազերծուած պատերազմի ընթացքին երեխաներու իրաւունքներու արձանագրուած խախտումները։

Ինչպէս «Արմենպրես»-ին տեղեկացուցին ԱՀ Մարդու իրաւունքներու պաշտպանի աշխատակազմէն, ագրեսիայի առաջին օրէն ատրպէյճանական զինուած ուժերը Արցախի մոտ 170 (շուրջ 70%) համայնքներու մէջ դիտաւորեալ եւ ոչ խտրական հարուածներու  ենթարկեր են քաղաքացիական նշանակութեան օբյեկտներ, բնակելի շինութիւններ, ենթակառուցուածքներ: Արցախի մէջ զոհուեր է առնուազն 50 եւ վիրաւորուեր է առնուազն 163 քաղաքացիական անձ, ներառեալ՝ զոհուեր է 1 երեխա, վիրաւորուեր է՝ 9-ը:

Նախնական տուեալներով՝ Արցախի մէջ ատրպէյճանական ագրեսիայի հետեւանքով վնասուեր է առնուազն 71 դպրոց, 14 մանկապարտեզ՝ չի հաշուած ատրպէյճանական զինուած ուժերու վերահսկողութեան տակ գտնուող՝ ԱՀ համայնքներու դպրոցներն ու մանկապարտեզները, որոնց զգալի մասի վիճակի վերաբերեալ տեղեկութիւններ չիկան: Կրթութեան իրաւունքէն զրկուեր են դպրոցական տարիքի 23 հազար 978 եւ նախադպրոցական տարիքի 4 հազար 36 երեխաներ:

Leave a Reply