Արցախի մէջ Ռուսաստանի խաղաղապահ զօրախումբի հիմնական ուժերը կը շարունակեն տեղակայել իրենց պատասխանատւութեան գոտիին՝ մտեր են Ստեփանակերտ, իսկ առաջատար ստորաբաժանումները, հասնելով Շուշի, սկսեր են դիտակէտեր տեղակայել: Այս մասին երեկ լրագրողներուն յայտներ է Ռուսաստանի պաշտպանութեան նախարարութեան ներկայացուցիչ գեներալ-մայոր Իգոր Կոնաշենկովը:

Անոր փոխանցմամբ՝ խաղաղապահ զօրամասերու ստորաբաժանումները վերահսկողութիւն հաստատեր են Լաչինի միջանցքին եւ Լաչինի ճանապարհի  հատուած մը` ստեղծելով վեց ժամանակաւոր դիտակէտ:

ՏԱՍՍ լրատուական գործակալութեան փոխանցմամբ՝ Կոնաշենկովը հաւելեր է, որ Հայաստան ժամանած ռուս խաղաղապահները կը շարժուին դէպի Գորիս:

Ռուսական պատուիրակութիւնն այսոր այցելած է Թուրքիա՝ Արցախի մէջ հրադադարի վերահսկման համատեղ դիտորդական կենտրոն ստեղծելու շուրջ բանակցութիւններու համար:

Ղարաբաղեան հակամարտութեան գոտիին ռուսաստանցի 1960 խաղաղապահները կը տեղակայուին Հայաստանի, Ատրպէյճանի եւ Ռուսաստանի ղեկավարներուն Նոյեմբերի 9-ին ստորագրած յայտարարութեան համաձայն:

Leave a Reply