Digital Forensic Research Lab-ը ծաւալուն հոդուածով անդրադարձեր է պատերազմի ընթացքին Ատրպէյճանի կողմէ Արցախի ուղղութեամբ արգիլուած ֆոսֆորային զինամթերքի կիրառմանը՝ նշելով, որ արբանեակային պատկերը ցոյց կուտայ ԼՂ-ի մէջ սպիտակ ֆոսֆորի օգտագործման արդիւնքին շրջակայ միջավայրին հասած վնասը:

«Արմենպրես»-ի հաղորդմամբ՝ մասնաւորապէս նշուած է, որ մարտական գործողութիւններու վերջին շաբթուայ ընթացքին բաց աղբիւրներու արբանեակային պատկերները ցոյց  կուտան, որ Ատրպէյճանի կողմէ Լեռնային Ղարաբաղի անտառներու վրայ սպիտակ ֆոսֆորական զինամթերք օգտագործելու արդիւնքին առաջացեր է շրջակայ միջավայրի աւիրածութիւն:

Կըսուի, որ Նոյեմբերի սկիզբը «Թուիթեր»-ի եւ այլ սոցկայքեու մէջ յայտնուեր էին տեսանիւթեր, որոնց մէջ կերեւի ԼՂ-ի մէջ հայերու կողմէ վերահսկուող տարածքներու վրայ արգիլուած սպիտակ ֆոսֆորային զինամթերքի կիրառութիւն:

Leave a Reply