ԱԳ նախարար Զոհրապ Մնացականեանը Նոյեմբերի 13-ին հեռախօսազրոյց ունեցեր է Միաւորուած Ազգերու Կազմակերպութեան Գլխաւոր քարտուղար Անտոնիոյ Գուտերեշ  ի հետ։

ՀՀ ԱԳՆ-ն կը տեղեկացնէ, որ նախարար Մնացականեանը եւ ՄԱԿ-ի Գլխաւոր քարտուղարը քննարկեր են Հայաստանի Հանրապետութեան վարչապետի, Ատրպէյճանի Հանրապետութեան եւ Ռուսաստանի Դաշնութեան նախագահներու կողմէ Նոյեմբերի 10-ի հրադադարի հաստատման եւ ռուս խաղաղապահներու տեղակայման վերաբերեալ համատեղ յայտարարութեանը յաջորդած զարգացումները: Նախարար Մնացականեանն ընդգծեր է ԼՂ խաղաղ գործընթացին վերաբերող բոլոր հարցերու շուրջ քննարկումները բացառապէս ԵԱՀԿ Մինսքի խումբի համանախագահութեան շրջանակներուն անցկացնելու անհրաժեշտութիւնը: Այս առնչութեամբ ՄԱԿ-ի գլխաւոր քարտուղարը վերահաստատեր է աջակցութիւնը ԵԱՀԿ Մինսքի խումբի համանախագահութեան ձեւաչափին:

Երկուստեք ընդգծուեր է ատրպէյճանական օկուպացիայի հետեւանքով Արցախի մէջ վտանգի տակ յայտնուած հայկական պատմամշակութային ժառանգութեան պահպանման անհրաժեշտութիւնը:

Leave a Reply