Ռուսաստանի նախագահ Վլատիմիր Պուտինը խոստովաներ է, որ չէ հասկցած՝ ինչու Հայաստանի վարչապետ Նիկոլ Փաշինեանը հրաժարուեր է խաղաղ փախստականներուն Շուշի քաղաք վերադարձնելու Ատրպէյճանի պայմանին,կը հաղորդէ ՏԱՍՍ-ը:

Պուտինի խօսքով՝ Շուշիի հարցը ծագեր էր այդ հակամարտութեան, ճգնաժամի ընթացքին: «Հոկտեմբերի 19-20-ին ես հեռախօսազրոյց ունեցեր եմ ինչպէս նախագահ Ալիեւի, այնպէս ալ վարչապետ Փաշինեանի հետ: Ընդհանուր առմամբ, ինձ յաջողուեր էր համոզել նախագահ Ալիեւին, որ կարելի է դադարեցնել մարտական գործողութիւնները, սակայն անոր կողմէ պարտադիր պայման էր փախստականներու վերադարձը, այդ թիւին՝ քաղաք Շուշի»:

«Ինձ համար անսպասելիօրէն մեր հայ գործընկերներու դիրքորոշումը ձեւակերպուած էր այնպէս, որ այդ անոնց համար անընդունելի էր, եւ վարչապետ Փաշինեանն ինձի ուղիղ ըսած էր, որ սպառնալիք կը տեսնէ Հայաստանի եւ Ղարաբաղի համար: Ինձ համար այժմ նոյնպէս անհասկնալի է՝ ինչն էր այդ սպառնալիքը՝ նկատի ունենալով, որ կենթադրուէր խաղաղ քաղաքացիներու վերադարձը, երբ պէտք է հայկական կողմը հսկողութիւն սահմաներ Ղարաբաղի տուեալ տարածքին մէջ, ներառեալ՝ Շուշիի, եւ նկատի չունենալով մեր խաղաղապահներու ներկայութիւնը»,-նշեր է Պուտինը: «Ինձի վարչապետն այդ ժամանակ ըսած էր. «Ոչ, չենք կարող այդ ընդունիլ, մենք կը պայքարինք, կը պատերազմինք»: Այդ պատճառով անոր հասցէին հասած ինչ-որ դավաճանութեան մասին յայտարարութիւններն անհիմն են,-համոզուած է Պուտինը:

Leave a Reply