Նիու Յորքի Մետրոպոլիտեն թանգարանի ղեկավարութիւնը յայտարարութիւն տարածեր է հայկական մշակութային ժառանգութեան վայրերու վերաբերեալ: «Արմենպրես»-ի փոխանցմամբ՝ այս մասին կը յայտնէ «Ամերիկայի ձայն»-ը:

«Լեռնային Ղարաբաղի տարածաշրջանին վերջին արիւնահեղութիւնն ու աւերածութիւնները ընդհանուր ողբերգութիւն են, որոնք լուրջ մտահոգութիւն կը պատճառեն բոլորիս: Ի լրումն մեր խնդրանքին եւ յոյսին, որ բռնութիւնը կը դադարի, կոչ կընենք պահպանել մշակութային ժառանգութեան օբյեկտները:

Մետրոպոլիտենի արուեստի թանգարանը նուիրուած է աշխարհի աւելի քան 5000 տարուայ մարդկային ստեղծագործութեան պահպանմանը եւ ցուցադրմանը: 2018-ին «Հայաստան» առաջին մեծ ցուցահանդէսն էր թանգարանի մէջ, որը կը հետազոտէր հայ ժողովուրդի ուշագրաւ գեղարուեստական եւ մշակութային նուաճումները համընդհանուր համատեքստին աւելի քան 14 դարերու ընթացքին: Մենք սարսափով եւ տխրութեամբ  հետեւեր ենք Լեռնային Ղարաբաղի տարածաշրջանի մէջ վերջին բռնութիւններն ու արիւնահեղութիւններուն: ⁣

Մենք հորդորեր ենք բոլոր ներգրաուածներուն յարգել այս միջազգային մշակութային ժառանգութեան օբյեկտները, որոնք կը հարստացնեն մեր աշխարհը եւ կը գոյատեւեն հազարաւոր տարիներ»,- կըսուի յայտարարութեան մէջ:

Leave a Reply