Ռուսաստանի եւ Ֆրանսիայի արտաքին գործերու նախարարներ Սերգեյ Լավրովը եւ Ժան-Իվ Լե Տրիանը քննարկեր են իրավիճակը Ղարաբաղի մէջ: Ինչպէս կը փոխանցէ ՌԴ ԱԳՆ մամուլի ծառայութիւնը, Լավրովը եւ Լե Տրիանը քննարկեր են ԼՂ հակամարտութեան կարգաւորման շուրջ իրավիճակը, միջնորդական ջանքերը, որոնք գործադրեր է Ռուսաստանը՝ հակամարտութեան գոտիին ռազմական բոլոր գործողութիւններու եւ կրակի լիարժէք դադարեցման համար:

Նախարարներն ընդգծեր են Նոյեմբերի 9-ին Ռուսաստանի, Ատրպէյճանի եւ Հայաստանի առաջնորդներու կողմէ ստորագրուած եռակողմ յայտարարութեան դրոյթներու իրականացումն ապահովելու կարեւորութիւնը:

«Ռուսաստանի եւ Ֆրանսիայի ԱԳՆ ղեկավարները կարծիքներ փոխանակեր են Լեռնային Ղարաբաղի շուրջ ճգնաժամի երկարաժամկէտ կարգաւորմանն ուղղուած հետագայ քայլերու մասին՝ ԵԱՀԿ Մինսքի խումբի շրջանակներուն համաձայնեցուած սկզբունքներու հիման վրայ եւ ելնելով ատպէյճանցի ու հայ ժողովուրդներու հաւասար շահերէն»,- կըսուի հաղորդագրութեան մէջ:

Leave a Reply