Մայր Աթոռ Սուրբ Էջմիածինը խիստօրէն կը դատապարտէ Շուշիի Կանաչ ժամ՝ Սուրբ Հովհաննէս Մկրտիչ եկեղեցւոյ հանդէպ իրականացուած վանդալիզմը Ատրպէյճանի կողմէ։

«Հոգեւոր-մշակութային արժէքներու հանդէպ նմանօրինակ կեցուածքը շարունակութիւնն է Ատրպէյճանի կողմէ տասնամեակներ շարունակ հայկական մշակոյթի հանդէպ իրականացուած գործունէութեան։

Փորձելով ջնջել հայ մշակոյթի վկայությիւնները Արցախի հողէն՝ կը փորձեն  նաեւ վերացնել մեր հայրենիքի պատմական պատկանելիութեան փաստերը։

Մենք կոչը կուղղենք միջազգային հանրութեանը եւ համապատասխան կառոյցներուն՝ դատապարտելու Ատրպէյճանի կողմէ Շուշիի եկեղեցւոյ հանդէպ իրականացուած նման վայրագութիւնը»,- կըսուի Մայր Աթոռի տեղեկատուական կենտրոնի տարածած հաղորդագրութեան մէջ։

Leave a Reply