Արեւմտեան Հայաստանի Երզնկա նահանգի մէջ գտնուող, Մետաքսի պատմական ճանապարհին կառուցուած Արարատեան Թագաւորութեան ամենակարեւոր քաղաքներէն մէկը ՝ 2900 տարեկան Ալթնթեփէ ամրոցը, իր  պատմական տարածքին մէջ կատարուող  պեղումներու աւարտէն ետք կը վերածուի հնագիտական ​​պարկի, որնը զբոսաշրջային վայր կը դառնայ:

Ամրոցը տեղակայուած է մոտ 60 մետր բարձրութեան բլուրի վրայ: Տարածաշրջանին մէջ տեղի ունեցած երկրաշարժերու պատճառով քարէ հիմքերու վրայ կառուցուած աղիւսէ կոնստրուկցիաներն աւերուեր են:

Արարատեան թագաւորութեան ժամանակաշրջանին կառուցուած ամրոցի մէջ եւ անոր շուրջ գտնուող աւերակներու պեղումներէն ետք յայտնաբերուեր են մ.թ.ա. 850-590 թուականներուն պատկանող հարիւրաւոր պատմական նմուշներ: Այժմ աշխատանքներ  կը կատարուին վայրը բարեկարգելու եւ տուրիստական կենտրոն ստեղծելու ուղղութեամբ։

Leave a Reply