Ատրպէյճանի սանձազերծած պատերազմին հայկական կողմի եւ Ատրպէյճանի սպառազինութիւնները, ինչպէս կը նշեն փորձագետները, թէ՛ քանակը, թէ՛ հզորութեամբ, անհամեմատելի եղեր են։ Արցախի մէջ ընթացած 5-րդ սերունդի այս պատերազմի ժամանակ օգտագործուեցան գերժամանակակից միջոցներ, այդ թիւին՝ հարուածային եւ հետախուզական ԱԹՍ-ներ, բալիստիկ հրթիռներ, գերձայնային կործանիչներ եւ այլն:

Պատերազմի ժամանակ ունեցած յաջողութիւններու փաստերը կողմերը ներկայացուցեր են հիմնականը տեսանկարահանումներու միջոցով։ Հայկական կողմը միայն վերջին օրերուն սկսած էր նկարահանումներ իրականացնել ԱԹՍ-ներու միջոցով։ Հակառակորդի պարագային պատկերն ուրիշ էր․ առաջին իսկ օրէն Ատրպէյճանը աշխուժօրէն օգտագործեր է ԱԹՍ-ներ՝ հետախուզական տուեալներ ստանալու եւ նկարահանումներ կատարելու համար։

Սակայն հետախուզութեան համար օգտագործուած ԱԹՍ-ները միակ սպառնալիքը չէին Արցախի տարածքը դիտարկելու եւ ճշգրիտ տեղադիրքեր ստանալու համար։ Ատրպէյճանի «զինանոցին մէջ» հետախուզութիւն իրականացնելու, ճշգրիտ կոորդինատներ ստանալու եւ նկարահանումներ իրականացնելու համար կայ նաեւ այլ գործիք՝ արբանեակ։ 

Ատրպէճանն ունի երեք արբանեակ, որոնցմէ մէկի միջոցով կարողութիւն ունէր տեսնել ինչպէս մեր դիրքերը, այնպէս ալ թիկունքը իրականացուող ցանկացած շարժ։ 

Ատրպէյճանական առաջին արբանեակը եղեր է Azerspace-1-ը, որը նախատեսուած եղեր է ռատիոյի եւ հեռուստատեսային հեռարձակման ծառայութիւններու մատուցման համար։ Երկրորդը եղեր է Azerspace-2 արբանեակը ( կը գործէ 2018 թ-էն), որու գործառոյթները նոյնպէս տրամագիծօրէն չի տարբերուիր նախորդէն։ 

2014 թուականին Ատրպէյճանը Ֆրանսիայէն գներ է եւս մէկ արբանեակ՝ Spot7-ը, որը հետագային վերանուանուեր է Azersky, անոր միջոցով իրականացուեր է տարածքներու դիտարկումը եւ անհրաժեշտ նշանակէտերու տեղորոշումը։