«Կան հարցեր, որոնք  լուծուած չեն, բաց կը մնան՝ հետագային ի՞նչպէս պիտի ապահովենք  քանի մը շրջաններու բնակիչներու վերադարձի իրավունքի կիրառումը, ո՞վ  կապահովէ մեր հայրենակիցներու անվտանգութիւնը, ի՞նչպէս  պիտի իրագործուի», ՌԴ արտգործնախարար Սերգեյ Լավրովի հետ երեւանեան հանդիպմանն ժամանակ ըսեր է Հայաստանի վարչապետ Նիկոլ Փաշինեանը:

Ռուսաստանի արտգործնախարարը ողջոյնի պատասխան խօսքին ուղիղ անդրադարձ չէ կատարած վարչապետի հարցին: Թէ ինչ պատասխան եղեր է արդեն քննարկումներուն, պարզ չէ: Հանդիպումէն ետք Նիկոլ Փաշինեանը գրեր է, որ Սերգեյ Լավրովի հետ ունեցեր են բովանդակալի զրոյց:

Հայաստանի վարչապետի բարձրացուցած հարցը կը վերաբերուի Բաքուի գրաւած Հադրութի շրջանի, Շուշիի, Ղարաբաղի այլ շրջաններու բնակավայրերուն: 

Միւս կողմէ, Նիկոլ Փաշինեանի բարձրաձայնած խնդիրները խորքային առումով կը շոշափուին Արցախի կարգավիճակի եւ անոր առնչուող հարցեր: Ռուսաստանը ձեռնպահ կը մնայ կարգավիճակի անդրադարձներէն: 

Փոխարենը, կարգավիճակի մասին աշխուժօրէն կակնարկեն Մինսքի խումբի միւս համանախագահները, նաեւ Մինսքի խումբի անդամ երկիրները, օրինակ Գերմանիան: ԱՄՆ ու Ֆրանսիան Ռուսաստանին կը մեղադրեն անջատական քայլերու համար։