Արեւմտեան Հայաստանի Հանրապետութեան նախագահ Արմենակ Աբրահամեանի գլխաւորած պատուիրակութիւնը Նոյեմբերի 24-ին եռօրեայ այցով մեկներ է Արցախի Հանրապետութիւն։ Պատուիրակութեան կազմին մէջ են խորհրդարանի նախագահ Լեոնարդոյ Պասմաճեանը, պաշտպանութեան փոխնախարար Սուրեն Շահումեանը եւ պատգամաւորներ։

Տեղի ունեցեր է Արցախէն ընտրուած պատգամաւոր Հակոբ Հակոբեանին պատգամաւորական մանդատի հանձման արարողութիւն։

Այցի շրջանակին ԱՀՀ պատուիրակութիւնը հանդիպումներ ունեցեր է Արցախի քաղաքական ղեկավարութեան, մասնաւորապէս Ազգային ժողովի նախագահ Արթուր Թովմասեանի, իշխող կուսակցութեան պատգամաւորներու, հասարակական կազմակերպութիւններու ներկայացուցիչներու, ինչպէս նաեւ՝ Արցախի քաղաքացիներու հետ։ Տեղի ունեցեր են միտքերու փոխանակումներ, հնչեր են շարք մը արդիական հարցեր՝ բնակիչներու հետագայ կատարելիքները, կենսական գործունէութեան ակտիվացման եւ քաղաքաշինութեան բնագաւառին մէջ աշխուժութիւն խթանելու վերաբերեալ։