ԱՀ-ն ճանաչելու անհրաժեշտութեան մասին ընդունուած բանաձեւը, կը կարծեմ, նոր իրողութիւններու սկիզբ կը հանդիսանայ։ Այս մասին յայտներ է ԱՀ նախագահ Արայիկ Հարությունեանը ֆեյսբուքի իր էջին։

«Ֆրանսիայի խորհրդարանի Վերին պալատի՝ Սենատի կողմէ Նոյեմբերի 25-ին Արցախի Հանրապետութիւնը ճանաչելու անհրաժեշտութեան մասին ընդունուած բանաձեւը, կը կարծեմ նոր իրողութիւններու սկիզբ կը հանդիսանայ: Եւ Արցախի իշխանութիւններու՝ այդ առիթով եղած յայտարարութիւնը կը բխէ մեր կենսական շահերէն»,- գրեր է ան:

«Կողջունենք Ֆրանսիայի խորհրդարանի Վերին պալատի՝ Սենատի կողմէ այսոր՝ Նոյեմբերի 25-ին Արցախի Հանրապետութիւնը ճանաչելու անհրաժեշտութեան մասին ընդունուած բանաձեւը։

Խորին երախտագիտութիւն կը յայտնենք սենատորներուն եւ բոլոր անձանց ու կազմակերպութիւններուն, որոնց ջանքերու շնորհիւ այս պատմական որոշման ընդունումը հնարաւոր դարձաւ:

Հատկանշական է, որ, ի թիւս այլ կարեւոր կէտերու, ընդունուած բանաձեւով Սենատը կը դատապարէ Արցախի դէմ Սեպտեմբերի 27-ին սանձազերծուած ատրպէյճանա-թուրքական ռազմական ագրեսիան՝ ահաբեկիչ վարձկաններու մասնակցութեամբ, եւ կոչ կընէ Ֆրանսիայի իշխանութիւններուն գործադրել հնարաւոր բոլոր միջոցները՝ ապահովելու 1994 թ. հաստատուած սահմաններու վերականգնումը, որոնք, ըստ էութեան, ամրագրուեր են Արցախի Հանրապետութեան, Հայաստանի եւ Ատրպէյճանի կողմէ ստորագրուած հրադադարի մասին եռակողմ անժամկէտ համաձայնագիրով»,- նշուած է յայտարութեան մէջ։