Հայաստանի կառավարութեան համար բացարձակ առաջնահերթութիւն է Լեռնային Ղարաբաղի մէջ պատերազմի ընթացքին անհետ կորածներու որոնողական աշխատանքները, գերեվարուած անձանց փոխանակումը։ «Արմենպրես»-ի փոխանցմամբ՝ այդ մասին կառավարութեան նիստին յայտարարեց վարչապետ Նիկոլ Փաշինեանը:

«Այս խնդիրներու վրայ կաշխատինք ամենօրեայ ռեժիմով։ Հիմնական բարդութիւնն այն է, որ այս աշխատանքի արդիւնավետութիւնը, ցաւօք, կախուած է ոչ միայն մեզմէ։ Զոհուածներու ընտանիքներու, հաշմանդամութիւն ստացած անձանց եւ պատերազմէն տուժած այլ խումբերու եւ քաղաքացիներու սոցիալական պաշտպանութեան երաշխիքներու գործունէութիւնը եւ հետագայ կատարելագործումը մեր հրատապ անելիքներու ցանկին մէջ է»,-, ընդգծեց Նիկոլ Փաշինեանը: