Հայաստանի Հանրապետութեան վարչապետ Նիկոլ Փաշինեանը մէկ ժամուայ ընթացքին երկու անգամ հեռախոսազրոյց ունեցեր է ՌԴ նախագահ Վլատիմիր Փութինի հետ: «Արմենպրես»-ի փոխանցմամբ՝ վարչապետն այս մասին գրառում կատարած է «Ֆեյսբուք»-ի իր էջին:

«Քննարկած են Լաչինի միջանցքի բնակավայրերու վերաբերեալ, անհետ կորածներու, որոնողական աշխատանքներու, զոհուածներու մարմիններու, գերիներու փոխանակման գործընթացի, խաղաղապահներու տեղակայման եւ սահմանազատման, ինչպէս նաեւ տարածաշրջանի տրանսպորտային կոմունիկացիաներու ապաշրջափակման հետ կապուած հարցեր:

Նման քննարկումներ պարբերաբար տեղի կունենան, երբեմն օրուայ ընթացքին մի քանի անգամ: Այս քննարկումներու մասին միշտ չէ, որ հաղորդագրութիւններ կը տարածենք, հաշուի առնելով անոնց աշխատանքային բնոյթը եւ հաճախութիւնը»,- գրեր է վարչապետը