Գոհաբանութեան օրը՝  Նոյեմբերի 26-ին, Լոս Անջելեսի մէջ տեղի ունեցեր է 23–րդ ամենամեայ Հեռուստամարաթոնը, որու կարգախօսն էր «Համախմբուածութիւն, ուժ, հաւատ»: «Հայաստան» համահայկական հիմնադրամը կը տեղեկացնէ, որ հաշուի առնելով հայրենիքի մէջ ստեղծուած դժուար իրադրութիւնը եւ հարգելով հանուն հայրենիքի զոհուած զինուորներու յիշատակը՝ հեռուստամարաթոնն այս տարի տեւեր է 4 ժամ՝ աւանդական 12 ժամուայ փոխարէն, սակայն ԱՄՆ հայ համայնքի համախմբուածութեան շնորհիւ հանգանակուեցաւ  22.990.898 ԱՄՆ տոլար:

«Արցախի եւ Հայաստանի մէջ տիրող իրավիճակով պայմանաւորուած՝ Հեռուստամարաթոն 2020-ի հանգանակութիւններն կուղղարկուին Արցախէն տեղահանուած եւ հայրենիքի համար զոհուած զինուորներու ընտանիքներու աջակցմանը: Նպատակն է ֆինանսապէս աջակցիլ այս ընտանիքներուն, շուրջ 100,000 մարդու, ապահովել բնակարաններով եւ 1 տարուայ համար անհրաժեշտ տարրական պարագաներով, ինչպէս նաեւ կազմակերպել տեղահանուած երեխաներու պատշաճ կրթութիւնը»,– նշեր է ԱՄՆ–ի «Հայաստան» հիմնադրամի ատենապետ Մարիա Մեհրանեանը: