Արցախի Քաշաթաղի շրջանի Աղաւնոյ գիւղական համայնքին մէջ այս պահի դրութեամբ կը շարունակէ բնակուիլ 9 ընտանիք:     

«Արմենպրես»-ի հետ զրոյցի ժամանակ տեղեկացուցեր է Աղաւնոյ համայնքի ղեկավար Անդրանիկ Չավուշեանը:

«Հարազատ գիւղին մէջ ապրելու եւ այն հայկական պահելու մեր դիրքորոշումը չէ փոխուած: Պիտի շարունակենք ապրիլ այստեղ: Խաղաղապահները իրենց գործը կը կատարեն, իսկ մենք իրաւունք ունինք պաշտպանելու մեր ընտանիքներու անվտանգութիւնն ու գիւղը: Այստեղ մնացած տղամարդիկ կը  շարունակեն  հերթապահել գիւղի շրջակայքին: Գիւղապետարանի տանիքին կը շարունակուի ծածանուել մեր դրոշը  եւ այլ դրոշ չենք ուզեր տեսնել այնտեղ: Պատրաստ ենք նոյնիսկ կեանքի գինով պաշտպանել մեր իրաւունքները: Այստեղէն մենք կը  պաշտպանենք նաեւ Ստեփանակերտն ու ամբողջ հայութեան իրաւունքները: Կը ցանկանայինք, որպէսզի պատկան մարմիններու կողմէ հստակ պարզաբանումներ ըլլան. մեզ կըսեն՝ գիւղը հայկական պիտի մնայ, սակայն տարհանման համար վառելանիւթ ու փոխադրամիջոցներ կը տրամադրեն», -ըսաւ Աղաւնոյ համայնքի ղեկավարը:

Անոր հաղորդմամբ՝ շուրջ երեք օր է գիւղը  հոսանքազրկուած է, չեն գործեր արցախեան կապի միջոցները, իսկ Աղաւնոյ մէջ ապրող ընտանիքներուն սնունդ   եւ այլ անհրաժեշտ պարագաներ կուղարկեն  ընկերներն ու բարեկամները: