ՄԻԵԴ-ի մէջ ՀՀ ներկայացուցիչը կը տեղեկացնէ, որ Մարդու իրաւունքներու եւրոպական դատարանը վերացրեր է Թուրքիայի նկատմամբ կիրառուած միջանկեալ միջոցը։

«Նոյեմբերի 9-ին Արցախի վերաբերեալ Հայաստանի վարչապետի, Ռուսաստանի նախագահի եւ Ատրպէյճանի նախագահի միջեւ ստորագրուած համատեղ յայտարարութիւնը հիմք ընդունելով՝ Թուրքիան Նոյեմբերի 17-ին դիմեր է Եւրոպական դատարան՝ չեղարկելու իր հանդէպ կիրառուած միջանկեալ միջոցի որոշումը: Դեկտեմբերի 1-ին դատարանը վերանայեր է Թուրքիայի նկատմամբ Հոկտեմբերի 6-ին Հայաստանն ընդդէմ Թուրքիայի գործով որոշումը»,–նշուած է ՄԻԵԴ-ի մէջ ՀՀ ներկայացուցիչի ֆեյսբուքեան էջին տարածուած յայտարարութեան մէջ։

Միաժամանակ ՄԻԵԴ-ը վերահաստատեր է, որ Ատրպէյճանի նկատմամբ կիրառուած միջանկեալ միջոցը կը շարունակէ մնալ ուժի մէջ:

Աւելի վաղ հաղորդուած էր, որ Սուրիայի հիւսիսէն Թուրքիան ահաբեկչական վարձկաններ տեղափոխած է Ատրպէյճան՝ նպատակ ունենալով անոնց օգտագործել Արցախի եւ Հայաստանի դէմ: Այս տեղեկատւութիւնը հաստատեցին նաեւ Սուրիայի, Ֆրանսիայի, Ռուսաստանի, ԱՄՆ-ի եւ այլ երկիրներու իշխանութիւնները:

Հայաստանի արտգործնախարարութիւնը յայտարարեր է, որ կան ահաբեկչութեան տարածման բոլորովին նոր դրսեւորում, երբ Մերձաւոր Արեւելքէն օտարերկրեայ ահաբեկիչ եւ ջիհադիստ մարտիկներ տեղակայուած են ԵԱՀԿ տարածքին մէջ գտնուող հակամարտութեան գոտիին, ինչը լուրջ վտանգ կը ներկայացնէ միջազգային եւ տարածաշրջանային անվտանգութեան եւ կայունութեան համար։