Արցախի Հանրապետութիւնը եւ Ռուսաստանի իշխանութիւնները կը քննարկեն օդային հաղորդակցութեան բացման հարցը, եւ ՌԴ-էն  դէպի Ստեփանակերտի օդանավակայան առաջին թռիչքները կարող են իրականացուիլ արդեն Դեկտեմբերին: Այս մասին կը յայտնէ «ՌԻԱ Նովոստի»-ն՝ հղում կատարելով Արցախի Հանրապետութեան վարչակազմի իր աղբիւրին:

«Այժմ երկու կողմերն ալ ջանքեր կը գործադրեն, որպէսզի տեղի ունենայ», – ըսած է գործակալութեան զրուցակիցը` պատասխանելով հարցին, թէ արդեօք հնարաւոր է, որ  մինչեւ տարուայ վերջ Ստեփանակերտի օդանավակայանի թռիբքները վերսկսին:

Ան հաւելեր է, որ Ստեփանակերտի օդանավակայանին մէջ նաեւ կիրականացուին ուղեւորներու համար թռիչքներ, որոնք, ինչպէս կըսպասուի, Արցախ կը ժամանեն ոչ միայն Մոսկուայէն, այլեւ Ռուսաստանի այլ տարածաշրջաններէն: