Թուրքիան վարձկաններու լրացուցիչ խումբ կուղարկէ Լիբիա՝ չնայած երկրի քաղաքացիական պատերազմին իրար հակառակորդ երկու խմբակցութիւններու միջեւ ձեռք բերուած համաձայնութեանը, որով կոչ   կ՛ընէ Անկարային դուրս բերել վարձկաններուն:

Այս մասին յայտներ է Tert.am-ը:

Լիբիայի ազգային բանակը, որը կենթարկուի գեներալ Խալիֆա Հաֆթարին, եւ Թուրքիայի ու ՄԱԿ-ի կողմէ աջակցութիւն ստացող Ազգային համաձայնութեան կառավարութիւնը Լիբիայի մէջ իշխանութեան համար կը պայքարին 2014 թուականէն ի վեր:

Երկու կողմերը հրադադարի պայմանաւորուածութիւն ձեռք բերած են Հոկտեմբերին Ժնեւի մէջ՝ ՄԱԿ-ի միջնորդութեամբ: Համաձայնագիրի կէտերէն մէկը կենթադրէր «բոլոր ռազմական միաւորումներու եւ զինուած խմբաւորումներու դուրսբերում ռազմաճակատէն, ինչպէս նաեւ վարձականներու եւ օտարերկրեայ գրոհայիններու հեռացում երկիրէն»:

Այնուամենայիւ, Մարդու իրաւունքներու սուրիական դիտորդական կենտրոնը  յայտներ է, որ Թուրքիան կը պատրաստուի Սուրիայէն աւելի շատ վարձկաններու ուղարկել Լիբիա յաջորդ շաբաթ:

Կենտրոնի տուեալներով՝ Նոյեմբերին արդեն Թուրքիան 18 000 սուրիացի եւ 2500 թունիսցի վարձկանների  ուղարկած էր Լիբիա: