Հայաստանի եւ Արցախի Մարդու իրաւունքներու պաշտպանները հրապարակեր են համատեղ նոր զեկոյց՝ «Ատրբպէյճանի մէջ կազմակերպուած ատելութեան խօսքը եւ թշնամանքն էթնիկ հայերու նկատմամբ` որպէս ատրպէյճանական զինուած ուժերու կողմէ էթնիկ հիմքով խոշտանգումներու եւ անմարդկային վերաբերմունքի արմատական պատճառներ»:

Ինչպէս «Արմենպրես»-ին յայտնեցին Հայաստանի մարդու իրաւունքներու պաշտպանի աշխատակազմի հանրային կապերու բաժինէն, զեկոյցը կը հիմնաւորէ էթնիկ զտումներու ու ցեղասպանութեան ատրպէյճանական քաղաքականութիւնը տեռորիստական մեթոդներով: Զեկոյցն կապացուցէ, որ այս պատերազմի ընթացքին ատրպէյճանական դաժանութիւնները, խոշտանգումներն ու անմարդկային վերաբերմունքը տարիներու թշնամանքի քարոզի ու կազմակերպուած հայատեաց քաղաքականութեան հետեւանք է:

Ինչպէս կըսուի հաղորդագրութեան մէջ, «Զեկոյցը նաեւ կապացուցէ, որ հայատեացութիւնն Ատրպէյճանի մէջ փակ շղթայի մէջ է։ Ատրպէյճանական զինծառայողները հստակ կը գիտակցին, որ հայերու խոշտանգումը ոչ միայն կը մնայ անպատիժ, այլ կարժանանայ իշխանական ու հասարակական գովասանքի: Այն կը խրախուսուի մշակութային, սպորտային ու հանրային այլ գործիչներու կողմէ ու կարժանանայ հանրային գովասանքի՝ հաճախ թիրախ ունենալով երեխաներու»։