Հայաստանի Հանրապետութեան արտաքին գործոց նախարար Արա Այվազեանն կընդգծէ, որ Արցախի ինքնորոշման իրաւունքը եղեր է բանակցային գործընթացի հիմնասիւներէն մէկը, եւ ռազմական ուժի կիրառմամբ ինքնորոշման իրաւունքը հնարաւոր չէ հանել օրակարգէն: «Արմենպրես»-ի փոխանցմամբ՝ ՀՀ ԱԳ նախարարն այս մասին ըսեր է Ֆրանսիայի արտաքին գործերու նախարար Ժան- Իվ Լը Տրիանի հետ համատեղ մամուլի ասուլիսի ընթացքին:

«Ատրպէյճանը եւ Թուրքիան, սկսելով ռազմական ագրեսիան Արցախի ինքնորոշման դէմ, խախտեր են միջազգային իրենց պարտաւորութիւնները, իսկ Ատրպէյճանը խախտեր է նաեւ խաղաղ բանակցային գործընթացի իր պարտականութիւնները: Եւ Արցախի բոլոր այն հատուածներուն մէջ, որոնք անցան Ատրպէյճանի հսկողութեան տակ, տեղի ունեցան էթնիկ զտումներ եւ ռազմական հանցագործութիւններ, ինչը եւս մէկ անգամ կապացուցէ անհրաժեշտութիւնն անդրադառնալ Արցախի ինքնորոշման իրաւունքի ճանաչմանը»,- նշեր է ՀՀ ԱԳ նախարարը: