Միացեալ Նահանգները ծայրաստիճան մտահոգուած է այն դէրով, որը Թուրքիան խաղցեր է Արցախի մէջ վերջին ռազմական գործողութիւններուն: Այս մասին յայտարարեր է Եւրոպայի եւ Եւրասիայի հարցերով ԱՄՆ պետքարտուղարի օգնականի պաշտօնակատար Ֆիլիպ Ռիկերը, կը յայտնէ ՏԱՍՍ-ը:

«Մենք շատ հարցեր ունինք այնտեղ Թուրքիոյ դէրի վերաբերեալ: Մենք ծայրաստիճան մտահոգուած ենք եւ այդ մտահոգութիւնը յայտներ ենք Թուրքիոյ դէրի, օտարերկրեայ կործանիչներու տեղափոխման, զէնքի առաքման քննարկումներուն: Այս հարցերը մտահոգիչ են եւ կը մնան Թուրքիայի ու Ռուսաստանի հետ մեր երկխօսութեան մէկ մասը»,-ըսած է ԱՄՆ արտաքին քաղաքական գերատեսչութեան աշխատակիցը: