Մատենադարանէն կը յայտնեն՝ աշխարհի տարբեր երկիրներու գիտական հաստատութիւններու շուրջ 150 ներկայացուցիչներու եւ գիտնականներու ստորագրութեամբ խնդրագիր  ներկայացուեր է Պապական աթոռի պետքարտուղարութեանը՝ Արցախի մշակութային ժառանգութեան փրկութեան առնչութեամբ:

Այս մասին գրուած է Մատենադարանի Ֆեյսբուքի գրառման մէջ:

«Խնդրագիրին մէջ գիտնականները նշած են, որ Արցախի մէջ տեղի ունեցող հումանիտար աղետի կողքին վտանգուած է նաեւ այդ տարածքին ստեղծուած հայկական հարուստ մշակութային ժառանգութիւնը՝ բաղկացած հարիւրաւոր վաղքրիստոնեական, միջնադարեան եւ նոր շրջանի եկեղեցիներէն, վանքերիէն եւ տարբեր յուշարձաններէ:

Գիտնականները փաստեր ներկայացուցած են, թէ ինչպէս ոչ վաղ անցեալին Ատրպէյճանի կառավարութեան ներքոյ համակարգուած կերպով ոչնչացման ենթարկուեր է վերջին ժամանակ վերահսկողութեան տակ գտնուող տարածքներու հայկական գեղարուեստական եւ ճարտարապետական ժառանգութիւնը: