Նոյեմբերի 21-ին ՀՀ կառավարութիւնը որոշում ընդունած էր Արցախի մէջ պատերազմի հետեւանքով Ատրպէյջանի վերահսկողութեան տակ անցած համայնքներու բնակիչներուն աջակցութիւն տրամադրելու մասին։ Այս որոշման հաւելուածին առաջին անգամ պաշտօնապէս ներկայացուած էր ատրպէյճանական վերահսկողութեան տակ անցած Արցախի Հանրապետութեան բնակավայրերու ցանկը։ Ըստ այդ ցանկի՝ ատրպէյճանական վերահսկողութեան տակ անցած համայնքներու թիւը 121 է։

Այս ցանկի հիման վրայ Fip.am-ը քարտեզ պատրաստած էր՝ ներկայացնելով, թէ որ բնակավայրը որու վերահսկողութեան տակ  գտնուի։ 

Դեկտեմբերի 9-ին Արցախի տարածքային կառավարման եւ զարգացման նախարարութիւնը ներակայացուց իր սեփական ցանկը։ Երկու պաշտօնական ցանկերու մէջ, սակայն, կան որոշ տարբերութիւններ։ 

Այսպիսով, ստորեւ կը ներկայացնենք արդեն Արցախի տարածքային կառավարման եւ զարգացման նախարարութեան կողմէ ներկայացուած ցանկի հիման վրայ թարմացուած քարտեզը՝ Արցախի բնակավայրերու վերահսկողութեան մասին։

Կարմիրով նշուած են հայկական վերահսկողութեան տակ մնացած բնակավայրերու անունները, իսկ սեւով՝ Ատրպէյճանի կողմէ գրաուած կամ Ատրպէյճանին յանձնուած բնակավայրերը։