Պատերազմէն ետք Մարտունի քաղաքին մէջ կը շարունակուին ենթակառուցուածքներու վերականգնման ուղղութեամբ կատարուող աշխատանքները:

Այս մասին ‹‹Արցախպրես››-ի թղթակիցի հետ զրոյցի ժամանակ ըսած է Մարտունիի քաղաքապետ Էդիկ Աւանեսեանը:

Անոր խօսքով՝ գազամատակարարումը գրեթէ ամբողջութեամբ վերականգնուեր է, բացառութեամբ՝ որոշ թաղամասեր: Օրակարգային կը մնայ էլեկտրամատակարարման վերականգնումը:

Է.Աւանեսեանն յայտներ է, որ արդեն իսկ Մարտունի  վերադարձեր 1500-էն աւելի բնակիչ. միայն 50 ընտանիք Մարտունի շրջանի՝ Ատրպէյճանի վերահսկողութեան տակ անցած համայնքներէն է:

Պատերազմի հետեւանքով Մարտունիի մէջ վնասուած բնակելի տուներէն վերականգնման ենթակայ չէ 10 բնակարան: Այդ ընտանիքներուն ժամանակաւոր տեղաւորած են բնակելի տուներու մէջ:

Մարտունիի քաղաքապետը տեղեկացուցած է, որ առայժմ չեն գործեր քաղաքի երկու դպրոցներն ու մանկապարտեզները, քանի որ անոնք մասնակիօրէն տուժած են հրետակոծութիւնէն եւ վերականգնման կարիք ունին։