ՄԻԵԴ–ի մէջ ՀՀ ներկայացուցիչ Եղիշէ Կիրակոսեանը Sputnik Արմենիային յայտնեց, որ անմարդկային վերաբերմունքի արժանացած 66 հայերէն Ատրպէյճանն առ այսօր հաստատեր է միայն 15-ի փաստը։

Հայաստանը Դեկտեմբերի 9-ին նոր դիմում  ուղարկեր է Մարդու իրաւունքներու եւրոպական դատարան` խնդրելով Ատրպէյճանի նկատմամբ հրատապ միջոց կիրառել։ «Երկու կողմը հրադադարի հաստատումէն ետք ատրպէյճանցիներու կողմէ առեւանգուած սփիւռքահայերն են, որոնք յայտնուեր են գերութեան մէջ։ Կան անձեր, որոնց մասին տարբեր աղբիւրներէ տեղեկութիւններ ունինք, որ անոնք այնտէղ են, եւ այդ ապացոյցներու հիման վրայ այդ խնդրանքը ներկայացուցեր ենք»,– ըսաւ Կիրակոսանը։

Անոր խօսքով` վերջին ներկայացուած 15 դէպքերէն այս միակն է, որ տեղի ունեցեր է զինադադարի հաստատումէն ետք, միւսները պատերազմական գործողութիւններու ժամանակ կամ Ատրպէյճանի հսկողութեան տակ յայտնուած համայնքներէն գերեվարուած անձեր են։

Ատրպէյճանին հատկացուած 2 ժամկէտներէն մէկը` մի քանի գերիներու  վերաբերեալ, աւարտուեր է երեկ, միւսն կաւարտուի այսօր։ Բայց Հայաստանի մէջ Ատրպէյճանի պատասխանները դեռ չեն ստացած։

ՄԻԵԴ–ի դիմումներուն մէջ արձանագրուած 66 անձերու մեծ մասը զինծառայողներ են, անենոցմէ միայն շուրջ 20–ն են քաղաքացիական անձեր։

Անդրադառնալով համացանցի մէջ պարբերաբար յայտնուող տեսանիւթերուն, որոնք կը փաստեն Ատրպէյճանի ԶՈւ–ի կողմէ հայերու նկատմամբ իրականացուած պատերազմական հանցագործութիւնները, Կիրակոսեանը նշեց, որ անոնք եւս անպայման տեղ կը գտեն իրենց հայցերուն։ 

Ամբողջական հոդուածը հասանելի է մեր կայքէջին։