Հին Շէնը կը շարունակէ ատրպէյճանցիներու կողմէ շրջափակման մէջ մնալ, Դեկտեմբերի 14-էն միակ փոփոխութիւնն այն է, որ ռուս խաղաղապահները եւս կը հսկեն նոյն գիւղը որտեղ մենք կը գտնուինք :

Այս մասին  Tert.am-ը տեղեկացաւ այսօր Շուշիի շրջանի Հին Շէնի համայնքապետ Սամուել Սարգսեանէն:

Նշենք, որ ըստ ռուսական լրատուամիջոց «Ուարգոնզո»-ի՝ գիւղն ապաշրջափակուեր է, որը Սարգսեանը հերքեց:

Գիւղին մէջ տիրող իրավիճակի մասին վերջինս նշեց. «Բնակիչները չեն տարհանուած, ճանապարհը փակ է, բնակիչներն չեն ուզեր գիւղը լքել. ո՞ւր երթան, ի՞նչու լքեն: Կը պաշտպանուինք ու պիտի պաշտպանենք, մեր զօրքն այստեղ է, մեր հայկական բանակն այստեղ է, մեր կամաւորներն այստեղ են, փառք անոնց»:

Նշենք, որ Նոյեմբերի 9-ին ստորագրուած կապիտուլիացիոն ակտով պայմանաւորուած՝ հանձնուող տարածքներու մէջ Հին Շէնը չէ եղած եւ ըստ ռուս խաղաղապահներու քարտեզի՝ այն ի սկզբանէ անոնց վերահսկողութեան գոտիի մէջ  նշուած եղած է: