Արցախեան պատերազմէն ետք Անտրկովկասի  եւ հարեւան Մերձաւոր Արեւելքի երկիրներուն մէջ սկսաւ նոր «մեծ խաղ», որու հիմնական առանձնահատկութիւնը Թուրքիայի հետ Ռուսաստանի համագործակցութիւնն է: Ատրպէյճանն արդեն մտած է այդ խաղի մէջ , եւ այժմ Հայաստանն ունի նման հնարաւորութիւն: Միակ հարցն այն է, թէ թոյլ կուտա՞ն Փաշինեանին իրականացնել իր ծրագիրները:

Այն բանէն ետք, երբ Թուրքիայի նախագահ Ռեջեփ Թայիփ Էրդողանը Պաքուի մէջ հանդէս եկաւ «վեցեակի» երկիրներու ստեղծման առաջարկով, որոնք պէտք է համագործակցին Կովկասի մէջ խաղաղութիւնը պահպանելու համար, եւ կոչ ըրաւ Հայաստանին միանալ այս նախագիծին, քիչերն ակնկալեցին, որ Երեւանն այդքան արագ կարձագանքէ: 

Սակայն Հայաստանի Անվտանգութեան խորհուրդի նիստին վարչապետ Նիկոլ Փաշինեանն ըսաւ, որ «անհրաժեշտ է բարելաւել հարաբերութիւնները Թուրքիայի եւ Ատրպէյճանի հետ ՝ փորձելով գտնել շփման կէտեր»: 

Անոր խօսքով ՝ «փոփոխութիւն տեղի ունեցեր է, ատրպէյճանցիներն այժմ աւելի ուժեղ են, ուստի ան ստիպուած է համակերպուիլ այս իրավիճակի հետ»:

Օբյեկտիվօրէն հիմնաւորումը, որու մէկ կէտը կը նախատեսէ ապաշրջափակել բոլոր տարածաշրջանային հաղորդակցութիւնները եւ տրանսպորտային միջանցք ստեղծել Հայաստանի տարածքով Ատրպէյճանի եւ Նախիջեւանի միջեւ, հիմնական նախադրեալն է Երեւանի եւ Պաքուի, Երեւանի եւ Անկարայի միջեւ հարաբերութիւններու կարգաւորման համար:

Աւելին, Թուրքիայի հետ հարաբերութիւններու կարգաւորումը դուրս կը հանէ Հայաստանը տարածաշրջանային մեկուսացումէն, այն կը վերածէ տարանցման կարգավիճակ ունեցող երկիր եւ դէպի Եւրոպա մուտք ունեցող երկիր: Անկարայի եւ Երեւանի հարաբերութիւններու վերականգնման կապը Արցախի հակամարտութեան լուծման հետ չկապելու նախկին փորձերը (Ցիւրիխեան արձանագրութիւններ, 2009 թ. Հոկտեմբեր) անյաջող էին, ինչպէս նաեւ անհաջող էին այդ գործընթացը «առանց նախապայմաններու» վերակենդանացնելու Փաշինեանի հետագայ ջանքերը:

Ինչպէս նշած է կովկասի հարցերով ռուս փորձագետ Սերգեյ Մարկեդոնովը, Հայաստանի Անկախութեան հռչակագիրը (կը համարուի երկրի Հիմնական օրէնքի բաղկացուցիչ մասը) կը պարունակէ կէտեր Հայերու դեմ ցեղասպանութեան միջազգային ճանաչման անհրաժեշտութեան եւ «Արեւմտեան Հայաստանի» մասին, այսինքն `այդ կը մատնանշէ տարածքային խնդիրի փաստը: Պատահական չէ, որ Էրդողանը Պաքուի մէջ իր յայտարարութեան մէջ մատնանշեց Հայաստանի համար համապատասխան որոշումներ կայացնելու անհրաժեշտութիւնը, քանի որ «Արցախի հակամարտութիւն եւ հայ-թուրքական հաշտեցում» հաւասարութեան մէջ առաջին մասը իրականութեան սահմանուած է, եթէ նկատի ունինք նախկին ժամանակ կորսնցուցած շրջաններու վերադարձը Ատրպէյճանի վերահսկողութեանը: Ինչ կը վերաբերուի հայ-թուրքական հաշտեցմանը, երկու կողմերը ստիպուած կըլլան յաղթահարել գոյութիւն ունեցող դժուար պատմական արգելքները, որպէսզի սկսին գրել իրենց պատմութեան նոր գլուխը:

Ամբողջական հոդուածը հասանելի է հետեւեալ հղումով․

https://regnum.ru/news/polit/3141850.html