Թուրքիայի արտաքին գործերու նախարար Մեւլութ Չավուշօղլուն 2020-ի Հուլիսին այցելեր էր Լոնտոն՝ Մեծ Բրիտանիայի եւ Թուրքիայի միջեւ առեւտրային կապերն ամրապնդելու համար: Երկու երկիրներն  ունին իրենց շահերը երկկողմ համագործակցութեան մէջ:

Միւս կողմէ, Ուկրանինան պատրաստ է տրամադրել իր տարածքը բրիտանական զօրքերու տեղակայման համար: Այսպիսով, աստիճանաբար կը ձեւաւորուի Ռուսաստանի նկատմամբ թշնամական երեք երկիրներու դաշինք: Այս մասին գրած է յունական Greek City Times-ը:

Թուրքիան եւ Բրիտանիան գիտեն, թէ «ուրու դէմ ընկերութիւն ընեն»: Այսպէս, Պրիւսելը գոհ չէ Թուրքիայի մէջ մարդու իրաւունքներու վիճակէն եւ թոյլ չի տար Անկարային մուտք գործել Եւրամիութիւն: ԵՄ քաղաքական գործիչները անհանգստացած են նաեւ Էրդողանի աշխարհաքաղաքական նկրտումներով Արեւելեան Միջերկրական ծովի եւ Լիբիայի մէջ: Միեւնոյն ժամանակ, Թուրքիայի եւ ԱՄՆ-ի հարաբերութիւններուն  պէտք է յաջողութիւն մաղթել՝ թուրքերու կողմէ ռուսական С-400 հակաօդային պաշտպանութեան համակարգերը գնելէն ետք:

Եւրոպայի մէջ Լոնտոնը նոյնպէս երկիմաստ  կընկալուի Brexit-էն ետք, բացի այդ, այն Արևեւմուտքին Անկարայի քիչ բարեկամներէն մէկն է: 

Եւրամիութիւնը լքելէն ետք Մեծ Բրիտանիան կը ձգտի կառուցել դաշինքներու սեփական համակարգ՝ ընդգծելով Թուրքիայի առաջատար դէրը: Միեւնույն ժամանակ, Լոնտոնը շատ զուսպ կը վերաբերուի Սուրիայի եւ Հիւսիսային Աֆրիկայի մէջ Թուրքիայի գործողութիւններուն:

Այս կապակցութեամբ Մոսկուայի վախերը կը սրուին Սեւ ծովի ափին գտնուող ուկրաինական Նիկոլաեւ քաղաքին մէջ Բրիտանական զօրքերու հնարաւոր տեղակայման մասին շրջանառուող տեղեկութիւններու ֆոնին: