Դեկտեմբերի 29-էն Հունուարի 6-ը Հայաստանի նկարիչներու միութեան մէջ կը գործէ «100 դուռ» լուսանկարչական բարեգործական ցուցահանդէսը, որու  հասոյթն կուղղուի պատերազմի ժամանակ զոհուած 4-5 ազատամարտիկի՝ ամենածայրահեղ վիճակի մէջ գտնուող ընտանիքներուն:

«Արմենպրես»-ի հաղորդմամբ՝ նախագիծի հեղինակ, ռեժիսոր Խաչիկ Եղոյեանը կը նշէ, որ կը ներկայացուի 100 լուսանկար, իւրաքանչիւրի արժէքը 20 հազար դրամ է:

Ան կը հյիշեցնէ, որ հինգ տարի առաջ Դեկտեմբերի 29-ին Նկարիչներու միութեան մէջ բացուած էր «100 դուռ» լուսանկարչական ցուցահանդէսը՝ նուիրուած Հայերու դէմ կատարուած ցեղասպանութեան 100-րդ տարելիցին: Նախագիծի հեղինակն էր  Խաչիկ Եղոյեանը, լուսանկարիչը՝ Ռուբեն Մարտիրոսեանը: Նախագիծի շրջանակին նկարած էին հայկական 100 եկեղեցւոյ դուռ՝ Արեւմտեան Հայաստանի, Ջաւախքի, Հայաստանի եւ Արցախի մէջ: