Արեւմտեան Հայաստանի Կոմմագենէ քաղաքակրթութեանը պատկանող 5 մեծ քաղաքներէն մէկի մէջ՝ Փերրէ անտիկ քաղաքին մէջ այս տարի սկսած պեղումներն աւարտուեր են:

Փերրէ Հին քաղաքի պեղումները, որ սկսած էր 2001 թուականէն ու աւարտուած  2009-ին, վերսկսած է 2020 թուականին:

Պեղումներու արդիւնքին պարզուեցաւ, թէ դամբարանային տարածքը հետագայ ժամանակահատուածներուն  վերածուեր է բնակելի վայրի։ 

Պեղումներու արդիւնքին յայտնաբերուեր է 3-է մինչեւ 6-րդ դար թուագրուող հռոմեժէական եւ բիւզանդական ժամանակաշրջաններուն պատկանող բազմաթիւ մետաղադրամներ եւ կերամիկական առարկաներ:  Բացի այն, յայտնաբերած են բազմաթիւ հին կանթեղներ, ապարանջաններ, ապակոայ, կերամիկական առարկաներու կտորներ եւ տանիքի կղմինդրներ: Այդ տարածքին փորուած ժայռի մէջ  յայտնաբերուեր է երկու սարկոֆագ: