ԱՄՆ-ի պատժամիջոցներու ցանկին ընդգրկուած Թուրքիայի ռազմարդիւնաբերութեան ղեկավար Իսմայիլ Դեմիրը Կիեւի մէջ բանակցութիւններ վարած է Ուկրաինայի ռազմական ոլորտի պաշտօնեաներու հետ։ «Անատոլու» գործակալութիւնն այսօր հաղորդեր է, որ Ուկրաինան կը ծրագրաւորէ շարունակել թուրքական անօդաչու թռչող սարքերու գնումները, ինչպէս նաեւ մտադիր է ռազմանաւեր ձեռք բերել` Սեւ ծովին ամրապնդելու իր անվտանգութիւնը։

Կիեւ  մեկներ է թուրքական եւս մէկ բարձաստիճան պատուիրակութիւն՝ արտգործնախարար Մեւլութ Չավուշօղլուի եւ պաշտպանութեյան նախարար Հուլուսի Աքարի գլխաւորութեամբ։ Անոնք Ուկրաինայի իրենց պաշտօնակից գործընկերներու հետ «2+2» ձեւաչափով բանակցութիւններ կը վարեն։

Ուկրաինայի պաշպանութեան նախարարը թուրք լրագրողներու հետ զրոյցի ժամանակ ըսած է , որ թուրքական հարուածային անօդաչու թռչող սարքերն ամենաժամանակակից ու արդիւնաւէտ սպառազինութիւններէն են։ « Ոչ մէկին համոզելու հարկ չիկայ, այդ ապացուցուեր է Սուրիայի, Լիբիայի եւ Արցախի մարտական գործողութիւններու ընթացքին»,- ըսած է Ուկրաինայի պաշտպանութեան նախարարը։