Թումո ստեղծարար տեխնոլոգիաներու կենտրոնի եւ ամերիկեան  «dot 818» ընկերութեան համագործակցութեան շնորհիւ Գաւառ քաղաքին մէջ բացուեցաւ առաջին Թումո տուփը, որն ուղղուած է Գեղարքունիքի մարզ քաղաքներուն եւ գիւղերուն մէջ կրթութեան  զարգացմանը:

Ողջունելով ներկաներուն` Թումո կենտրոնի տնօրեն Մարի Լու Փափազեանը նշեց. «Հաշուած օրերէն եւս Թումո տուփ կը բացուի Տաւուշի մարզի սահմանամերձ Բերդ քաղաքին մէջ: Այս գործընթացը շարունակական է, եւ անով մենք կը վերահաստատենք մեր առաքելութիւնը` Թումոյի կրթական ծրագիրը հասանելի դարձնել Հայաստանի եւ Արցախի անգամ ամենափոքր համայնքներու պատանիներուն»:

Միջոցառման ընթացքին տեղի ունեցաւ Թումո տուփի ամենաառաջին գրանցուած աշակերտներու  ծանոթացումը ծրագրին ու հանդիպումը արդեն փորձառու  շրջանավարտներու հետ։ Անոնցմէ ոմանք առաջին փորձարկումներն կատարեցին ռոբոտաշինութեան, նկարչութեան եւ ծրագրաւորման ոլորտներուն: