Կոստանդնուպոլիսի Հայտարփաշա երկաթուղային կայարանի շրջակայքին հնագիտական ​​պեղումներու ժամանակ յայտնաբերուեր է դամբարանային կառոյց: Հնէաբանները կը փորձեն լուծել կառոյցի եւ ճարտարապետութեան առեղծուածը, որը ենթադրաբար սրբազան վայր եղած է:

Այս յայտնագործութիւնները հատկապէս լոյս կը սփռեն Քաղկեդոնիայի պատմութեան վրայ:

Պեղումները վարող հնէաբանները նշած են. «Չիկայ որեւէ մինչ այդ յայտնի  համալիր-կառոյց, որը չըլլայ եկեղեցի, ունենայ կիսաշրջանի ձեւ եւ պարունակէ զանգուածային գերեզմաններ: Կառոյցի հատակը ծածկուած է մարմարէ սալիկներով, որոնք շարուած են շատ մանրակրկիտ եւ ուղիղ: Մենք անոր շուրջ գտեր ենք նաեւ զանգուածային գերեզմաններ: Այս ամենը կստիպէ մեզ մտածել, որ այս վայրը սրբավայր է եւ օգտագործուած է կրոնական նպատակներով»:

Պեղումներու ընթացքին յայտնաբերուած գրեթէ 18 հազար հատ մետաղադրամը տեղեկութիւն կը հաղորդէ Քաղկեդոնիայի՝ մ.թ.ա. 7-րդ դարէն մինչեւ մեր օրերը հասած պատմութեան մասին: Առաջին անգամն է, որ համակարգուած հնագիտական ​​պեղումներուն յայտնաբերուեր են դասական ժամանակաշրջանին պատկանող քաղկեդոնական մետաղադրամներ: