ՅՈՒՆԵՍԿՕ-ն Արցախի մէջ մշակութային արժէքներու վիճակը գնահատող անկախ փորձագետներու առաքելութիւն ուղարկելու համար կ՛սպասէ Ատրպէյճանի պատասխանին, սակայն Ատրպէյճանի իշխանութիւններուն ուղղուած խնդրանքները դեռեւս յաջողութեամբ չեն պսակուիր:

Այս մասին հաղորդուած է ՅՈՒՆԵՍԿՕ-ի տարածած յայտարարութեան մէջ:

ՅՈՒՆԵՍԿՕ-ն յիշեցուցեր է մշակութային արժէքները պաշտպանելու պարտաւորութիւնը՝ «Զինուած բախումներու պարագային մշակութային արժէքներու պաշտպանութեան մասին» 1954 թ կոնվենցիայի համաձայն, որուն կողմ են թէ՛ Հայաստանը, թէ՛ Ատրպէյճանը: Այս առաջարկը ստացեր է Մինսքի խումբի համանախագահներու լիակատար աջակցութիւնը:

Նոյեմբերի 20-էն ՅՈՒՆԵՍԿՕ-ն առաջարկներ  ներկայացուցեր է եւ  խորհրդակցութիւններ անցկացուցած է ՝ այս առաքելութիւնն իրականացնելու նպատակով, որն ըստ կոնվենցիայի, կը պահանջէ երկու կողմերու համաձայնութիւնը:

ՅՈՒՆԵՍԿՕ-ի գլխաւոր տնօրենի օգնական Էռնեստո Օտտոնեն ըսեած է. «Դեռեւս կ՛սպասուի միայն Ատրպէյճանի պատասխանը, որպէսզի ՅՈՒՆԵՍԿՕ-ն առաքելութիւն ուղարկէ այդ տարածք: Մինչ այժմ Ատրպէյճանի իշխանութիւններուն դիմեր ենք քանի մը անգամ, սակայն խնդրանքները յաջողութեամբ չեն պսակուած»: