Լոյս  տեսած է Արամ Խաչատրեանի «Դիմակահանդես» բալետէն հատուածներ դաշնամուրի  համար նոտաներու գիրքը: Գիրքին մէջ ընդգրկուած են «Վալս», «Մազուրկա», «Ռոմանս», «Գալոպ» ստեղծագործութիւններու փոխադրումները:

Հրատարակութիւնը նուիրուած է Միքայել Լերմոնտովի համանուն դրամայի՝ Արամ Խաչատրեանի երաժշտութեան ստեղծուելու 80-ամեակին:

Լոյս  տեսած է նաեւ Արամ Խաչատրեան, Հատուածներ «Գայանե» եւ «Սպարտակ» բալետներէն  ժողովածուն:

Մշակումները կատարած է՝ յայտնի երաժիշտ, խաչատրեանագետ, Լատուիայի վաստակաւոր արտիստ, հասարակական գործիչ, արուեստագիտութեան դոկտոր Ռաֆֆի Խարաջանեանը իսկ կազմեր է` Արամ Խաչատրեանի տուն-թանգարանի տնօրեն, դաշնակահարուհի, պրոֆեսոր Արմինէ Գրիգորեան:

Նոտագիրքին մէջ ներկայացուած է նաեւ Ռաֆֆի Խարաջանեանի՝ Արամ Խաչատրեանի մասին եռալեզու էսսեն, որու մէջ անդրադարձած է կոմպոզիտորի ստեղծագործութիւններու իւրայատկութիւններուն եւ ներկայացուող մշակումներու կատարողական առանձնայատկութիւններուն: