Բարեւ Ձեզ, սիրելի՛ Հայեր։ 

Այսօր, իմ այս Ամանորեայ ուղերձով կուզեմ դիմել Արեւմտեան Հայաստանի Երիտասարդութեան Խորհուրդի անունով համայն աշխարհի հայութեանը։
Ինչպէս գիտեք՝ 2020 թ. Սեպտեմբերի 27-ին թշնամին կրկին հարձակուեցաւ մեր
Հայրենիքի՝ պատմութիւնով եւ մշակոյթով լի սրբազան Արցախի վրայ։
Նպատակ ունենալով վերջնականապէս իրականացնել իր վաղեմի նպատակներու մէկ մասը՝գրաւել Արցախը, բնաջնջել այնտեղ ապրող բնիկ հայ ժողովուրդին, քանդել, ջարդել ու վերացնել մեր վանքերը, եկեղեցիները, գերեզմանները, պարզապէս այն ամենը, ինչը կապացուցէ այդ տարածքներուն հայի հազարամեակներու ներկայութիւնը, ջնջել Հայկական պատմութիւնը եւ փոխարինել իրենց կեղծ պատմութիւնով, ինչը տեղի ունեցաւ Նախիջեւանի մէջ 2005 թուականին։
Հայ զինուորը կռուեցաւ առիւծաբար, շարունակեց իր պապերու եւ հայ ժողովուրդի պայքարը։
Ազատ, անկախ եւ միացեալ Հայաստան հայրենիք ունենալու պայքարը կասեցրեց
թշնամիի ծրագիրներու իրականացումը։
Հազարաւոր հայորդիներ զոհուեցան պատւոյ դաշտին մէջ պաշտպանելով սրբազան հայրենիքը եւ անմահացան։
Այո, թշնամիին յաջողուեցաւ ժամանակաւոր բռնագրաւել մեր սրբազան հայրենիքի՝ Արցախ աշխարհի զգալի մէկ մասը:
Այս մեծ ցաւ է, բայց այս ցաւը որ մենք զգացինք այսօր, կը դառնայ մեծ ուժ, որը մենք կզգանք վաղը.
Կը ցանկանանք որ 2021 թուականէն սկսի հայ ազգի համար մեծ յաղթանակներու ժամանակաշրջանները՝, չի յուսահատինք, միախմբուինք եւ դառնանք մէկ բռունցք։
Ինչպէս մեր պատմութիւնն կը վկայէ՝ մեր ազգային հարցերու լուծումը կը գտնուի միայն միասնութեան մէջ։ Միասնանալով՝ մենք կը դառնանք մեծ ուժ, որմէ կը վախնայ ու
կը փախչի թշնամին։ Նշեմ նաեւ, որ թշնամիի ծրագիրերներ էն մէկն է մեզի մասնատել, ամեն կերպ ազդել որպէսզի չի կայանայ հայի միասնութեան ուժը եւ մենք, գիդակցելով այդ պէտք չէ ապրինք թշնամիի ծրագիրով։
Պէտք է համախմբուինք ազգովի մէկ նպատակի շուրջ, վերականգնենք եւ վերամիաւորենք մեր մասնատուած հայրենիքը՝ Արցախը, Հայստանը եւ Արեւմտեան Հայաստանը, որու hամար հազարամեակներով պայքարած են մեր նախնիները ու հասնինք մեր վեհ նպատակին։

Պարոյր Շահումեան

Արեւմտեան Հայաստանի Երիտասարդութեան Խորհրուդ