Ռուսաստանի մոտաւորապէս տասը մարտանաւեր, հակաօդային պաշտպանութեան «Տոր» եւ «Պանցիր» համակարգեր գործի դրուած են Սուրիայի Թարթուսի նաւահանգիստի մէջ ՌԴ ռազմածովային բազայի պաշտպանութեան գիծով վարժանքներու ժամանակ, կը տեղեկացնԷ «Արմենփրես»-ը: «Վարժանքներու ընթացքին, որուն մասնակցեր են աւելի քան 500 զինծառայողներ, առաջին անգամ կատարելագործուեր են ցամաքային ուժերու, նաւատորմի եւ ավիացիայի համատեղ գործողութիւնները»,-լրագրողներուն յայտներ Է հեռաւոր գոտիին ՌԴ ռազմածովային նաւատորմի (ՌԾՆ) ուժերու հրամանատար Դմիտրի Դոբրինինը:

Ան ըսած Է, որ ռուսական կողմէ վարժանքներուն, մասնաւորապէս, մասնակցեր են «Կալիբր» կրող թեւաւոր հրթիռները, «Ադմիրալ Էսսեն» ֆրեգատը եւ «Վիշնիյ Վոլոչեկ» փոքր հրթիռանաւը: Սուրիայի ՌԾ ուժերու կողմէ մասնակցեր Է 4 նաւ, ըսած Է Դոբրինինը: Անոր խօսքով՝ վարժանքներու ընթացքին ռուսական եւ սուրիական նաւերը ետ  մղեր են անօդաչուներու պայմանական գրոհը Թարթուսի մէջ նիւթատեխնիկական ապահովման ռուսական կէտի վրայ, ինչպէս նաեւ ապահովեր են պայմանական հակառակորդի հարուածի տակէն ուժերու դուրս գալը: