Գուրգեն Յանիկեան (ծնած է  Դեկտեմբերի 24, 1895 Կարին, Արեւմտեան Հայաստան – մահացած է․ Մարտի 27 ,1984 Կալիֆոռնիա, ԱՄՆ), հայ գրող եւ ճարտարագետ, հայկական նորագոյն զինեալ ազատագրական պայքարի հերոս։

Հայերու դէմ կատարուած ցեղասպանութեան  ականատես։ Սորուած է Մոսկուայի համալսարանը, հետագային հաստատուեր է ԱՄՆ-ի մէջ, որտեղ ճանաչուած է որպէս անգլալեզու գրող, արժանացեր է «Մարկ Տվեն» մրցանակին։ 1972 թուականին ԱՄՆ-ի մէջ այցելեր է Հայաստանի Մարտիրոս Սարեանի անուան տուն-թանգարանը եւ նուիրաբերեր է Սարեանի «Արեւելեան սենեակ» նկարը (ստեղծուած 1918 թ.), որը երկար տարիներ կը համարուէր անհետ կորած։ 77 տարեկան հասակին սպաներ է ԱՄՆ-ի մէջ Թուրքիայի հիւպատոսին եւ փոխ-հիւպատոսին, արդարութիւն պահանջեր է Հայերու դէմ կատարուած Ցեղասպանութեան համար: Դատարանին մէջ հանդէս  եկեր է թուրքական ժխտողականութեան դէմ, պաշտպաներ է Արեւմտեան Հայաստանի ազատագրութեան գաղափարը։ Դատապարտուեր է ցմահ բանտարկութեան: 1981 թուականին, 8 տարուայ բանտարկութիւնէն ետք, Յանիկեանը տեղափոխուեր է այցելուներու համար փակ հիւանդանոց, որտեղ երկարատեւ հիւանդութիւնէն ետք 1984 թուականի Մարտի 27-ին  մահացեր է։ 2019 թ. Մայիսի 5-ին վերահուղարկաւորուեր է Եռաբլուր պանթէոնին մէջ: Հայաստանի ազատագրութեան հայ գաղտնի բանակի հոգեւոր հիմնադիրներէն է։

 «Ես գիտէի, որ անհատս մենակ մնալու չէի», – այդ առիթով ըսած է ծերունի Յանիկեանը։