Արցախի եւ Հայաստանի Հանրապետութիւններու մարդու իրաւունքներու պաշտպանները հրապարակեր են համատեղ արտահերթ զեկոյց՝ Արցախի մէջ ռազմական գործողութիւնները լուսաբանող լրագրողներու վրայ ատրպէյճանական հարձակումներու վերաբերեալ:

Ատրպէյճանի կողմէ Արցախի քաղաքացիական բնակչութեան եւ ենթակառուցուածքներու թիրախաւորմանը զուգահեռ՝ դիտաւորեալ եւ չի տարբերակուած թիրախաւորման ենթարկուեր են նաեւ լրագրողները եւ անոնց սպասարկող  փոխադրամիջոցները, որու հետեւանքով ծանր վիրաւորուեր է 7 լրագրող (5 օտարերկրեայ ու 2 հայ) եւ զոհուեր է լրագրողական խումբի ուղեկցող 1 անձ: Դիտաւորեալ թիրախաւորման մասին կը վկայէ այն փաստը, որ լրագրողները կրած էին հատուկ համազգեստ եւ տարբերակիչ նշաններ, որոնք առկայ էին նաեւ անոնց ինքնաշարժներուն վրայ:

Բացի այդ, որոշ վկայութիւններ նշած են, որ հարուածներէն առաջ եւ ընթացքին դէպքի վայրերուն մէջ թռիչքներ կը կատարէին ատրպէյճանական հետախուզական ԱԹՍ-ները, ինչը  կը նշանակէ, որ լրագրողները լիովին տեսանելի ու տարբերակելի եղած են ատրպէյճանական զինուած ուժերու համար: