ՀՀ մարդու իրավունքներու պաշտպան Արման Թաթոեանը Sputnik Արմենիայի եթերին անդրադարձեր է Հայաստանի սահմաններուն տեղի ունեցող գործընթացին` այն մեկնաբանելով սահմանամերձ համայնքներու բնակչութեան կենսական իրավունքներու համատեքստին։

Սահմաններու որոշման հարցերը պէտք է դիտարկել Ատրպէյճանի մէջ հայատեացութեան եւ պետական մակարդակով կազմակերպուած թշնամանքի քարոզի համատեքստին։ Sputnik Արմենիայի հետ զրոյցի ժամանակ նման տեսակետ յայտնեց ՀՀ մարդու իրավունքներու պաշտպան Արման Թաթոեանը։

«Ատրպէյճանի հետ ընթացող այս «քննարկումները», ինչ–որ հարցերու ուղղութեամբ որոշումներու կայացումը մենք պարտադիր պէտք է դիտենք այն պատերազմական հանցագործութիւններու, մարդկութեան դէմ ուղղուած այն հանցագործութիւններու, խոշտանգումներու, անմարդկային վերաբերմունքի համատեքստին, որ մեր ժողովուրդի հանդէպ կատարած է Ատրպէյճանի ԶՈւ–ն»,– ըսաւ Թաթոեանը։

ՀՀ սահմաններին տեղի ունեցող գործընթացքին , ըստ անոր, ամենակարեւորը սահմանային բնակավայրերու բնակիչներու կենսական իրավունքներու` կեանքի, ֆիզիկական անձեռնմխելիութեան, ֆիզիկական անվտանգութեան, սեփականութեան եւ այլ իրավունքներու վտանգի հարցն է։

«Այս բոլոր հարցերուն, ցաւոք սրտի, պետական մակարդակով պատշաճ ուշադրութիւն ու վերաբերմունք չի ցուցաբերուիր, եւ մոտեցումները սխալ ընտրուած են»,– ըսաւ Թաթոեանը։