Ատրպէյճանի կողմէ սանձազերծուած պատերազմի հետեւանքով Արցախի Հանրապետութիւնն ունեցեր է 112,5 մեգավատ տրուածքային հզորութեամբ ՀԷԿ-երու կորուստ:

«Արմենպրես»-ի փոխանցմամբ` այս մասին Ազգային ժողովի Տարածաշրջանային եւ եւրասիական ինտեգրման հարցերու մշտական հանձնաժողովի նիստի ընթացքին ըսաւ ՀՀ տարածքային կառավարման եւ ենթակառուցուածքներու նախարարի տեղակալ Հակոբ Վարդանեանը:

«Արցախի Հանրապետութեան մէջ մինչ պատերազմը եղեր են 187,5 մեգավատ տրուածքային հզորութեամբ ՀԷԿ-եր, պատերազմի արդիւնքին մնացեր են 75 մեգավատ տրուածքային հզորութեամբ ՀԷԿ-եր, կորուստը եղեր է 112,5 մեգավատ տրուածքային հզորութիւն»,- ըսաւ Վարդանեանը:

Փոխնախարարը նշեց՝ 2021 թ. նախնական էներգետիկ հաշուեկշիռով  նախատեսուած էր, որ ՀՀ-ն Արցախի Հանրապետութիւնէն կը ներկրի 330 մլն կՎտ/ժ էլեկտրաէներգիա, սակայն, յայտնի իրադարձութիւններէն ետք ձեւաւորուած էներգետիկ հաշուեկշիռով, այդ էներգիան կը փոխարինուի ՀՀ-ի ներքին ռեսուրսներու հաշիւին արտադրուող էլեկտրաէներգիայով, որն աւելի թանկ կըլլայւ, քան Արցախէն ներկրուող էլեկտրաէներգիան:

Leave a Reply