«Եզդիներու կողքին» նախաձեռնութիւնը շուտով կը ներկայացնէ մնջախաղի վարպետ Արսեն Փոլադովի անուան եզդիական թատրոնի առաջին՝ «Կռիւ ու սեր» ներկայացումը, որը նուիրուած է Արցախեան պատերազմի ժամանակ զոհուած եզդիներու յիշատակին: Սցենարի հեղինակը «Եզդիներու կողքին» նախաձեռնութեան հիմնադիր Գրետա Ալեքսանեանն է, ռեժիսորը՝ Մաչանենց թատրոնի գեղարուեստական ղեկավար Գեւորգ Ընծա Բաբախանեանը: Ինչպէս Aravot.am-ի հետ զրոյցի ժամանակ նշեց Գրետա Ալեքսանեանը, «Եզդիներու կողքինը» կրթամշակութային նախաձեռնութիւն է, որուն մաս կը կազմէ նաեւ եզդիական թատրոնի ստեղծումը: Անոր խօսքով, Հայաստանի մէջ տարբեր ժամանակներ եղեր են եզդիական թատերախաղեր, բեմադրութիւններ, սակայն Հայաստանի պետական մնջախաղի թատրոնի հիմնադիր, ազգութեամբ եզդի Արսեն Փոլադովի անունով թատրոն, առաջին անգամ կստեղծուի: