Հայաստանի Հանրապետութեան արտաքին գործերու նախարարութիւնը յայտարարութիւն տարածած է Պաքուի հակահայկական ջարդերու 31-ամեակի կապակցութեամբ: Կը ներկայացնենք  մէկ մասը  «Արմենպրես»-ի կողմէ հրապարակուած ՀՀ ԱԳՆ յայտարարութիւնը. 

«31 տարի առաջ միջազգային հանրութիւնն ականատէս եղաւ Ատրպէյճանի մէջ հայ ժողովուրդի դէմ հերթական ոճրագործութեանը. օրեր շարունակ Ատրպէյճանի մայրաքաղաքի մէջ առանձնակի դաժանութեամբ իրականացաւ հայ բնակչութեան ջարդերը ու զանգուածային տեղահանումները: Եղան հարիւրաւոր սպանուածներ, անդամախեղուածներ եւ անհետ կորածներ, տասնեակ հազարաւոր փախստականներ: 1990թ. Հունուարին Պաքուի մէջ տեղի ունեցած հակահայկական ջարդերը աւարտին հասաւ Ատրպէյճանի հայաթափման գործընթացը:

Ատրպէյճանի իշխանութիւններու հայատեաց քաղաքականութեան թիրախին էր ոչ միայն դարեր շարունակ Պաքուի մէջ ապրած եւ արարած հայ բնակչութիւնը, այլ քաղաքի հայկական պատմամշակութային ժառանգութիւնը:

Մինչեւ այսօր պատասխանատւութեան չեն ենթարկուած Պաքուի հակահայկական ջարդերու կազմակերպիչները եւ իրականացնողները, ովքեր կը շարունակեն փառաբանուիլ որպէս հերոսներ: Աւելին, մինչեւ այսօր Ատրպէյճանը կը շարունակէ էթնիկ զտումներու եւ հայաթափման այդ քաղաքականութիւնն Արցախի նկատմամբ: Այսօր յարգանքի տուրք մատուցելով Պաքուի մէջ տեղի ունեցած հակահայկական ջարդերու անմեղ զոհերու յիշատակին՝ եւս մէկ անգամ կընդգծենք Հայաստանի Հանրապետութեան, Արցախի Հանրապետութեան եւ ողջ աշխարհասփիւռ հայութեան միասնական հանձնառութիւնը` երաշխաւորելու  իր հայրենիքի մէջ ազատ, անվտանգ եւ արժանապատիւ ապրելու հայ ժողովուրդի իրավունքը»:

Leave a Reply