Արցախի ԱԳՆ-ն երեկ յայտարարութիւն  տարածեր է Պաքուի մէջ հայկական ջարդերու 31-րդ տարելիցի կապակցութեամբ՝ նշելով, որ Արցախի դէմ Ատրպէյճանի սանձազերծած արիւնալի հակամարտութեան հասցուած վերքերը բուժելու գործընթացին կարեւոր քայլ կը դառնար Պաքուի իշխանութիւններու կողմէ իրենց անմիջական պատասխանատւութեան ընդունիլը հայ բնակչութեան դէմ իրագործուած զանգուածային հանցագործութիւններու համար, ներառեալ՝ 1990 թ. Հունուարին Պաքուի մէջ տեղի ունեցած ջարդերը, ինչը թոյլ կուտար արմատախիլ ընել հայատեացութեան հետեւանքով առաջացած բացասական երեւոյթները եւ նախադրեալներ ստեղծել տարածաշրջանին մէջ կայուն եւ տեւական խաղաղութեան համար:

Ձեզ կը ներկայացնենք Արցախի ԱԳՆ-ի կողմէ տարածուած յայտարարութիւնէն հատուած մը․«Արմենպփրես»-ը  կը հաղորդէ․

«1990 թ. Հունուարի 13-ը հայ ժողովուրդի պատմութեան ամենաողբերգական օրերէն մէկն է: Այդ օրը Ատրպէյճանի մայրաքաղաք Պաքուի մէջ սկսաւ հայերու զանգուածային ջարդերը, որոնք գագաթնակետը  դարձան Ատրպէյճանի իշխանութիւններու՝ նախկին Ատրպէյճանական ԽՍՀ հայկական բնակչութեան ոչնչացմանը, սեփական պատմական տարածքներէն եւ մշտական բնակութեան վայրերէն անոր վտարմանն ուղղուած քաղաքականութեան, որու սկիզբը դրին 1988թ. Սումգայիթի մէջ հայերու կոտորածով։

Պաքուի ջարդերը դարձան հայ բնակչութեան դէմ իրագործուած ամենաարիւնալի եւ զանգուածային հանցագործութիւններէն մէկը: Հայ ժողովուրդի նկատմամբ Պաքուի մարդատեաց եւ ցեղասպան քաղաքականութիւնը շարունակուեցաւ նաեւ ԽՍՀՄ փլուզումէն ետք՝ 1992-1994 թթ., մասնաւորապէս՝ Արցախի Հանրապետութեան Շահումեանի եւ Մարտակերտի շրջաններու օկուպացիայի ժամանակ եւ Մարաղայ գիւղին մէջ, որու բնակիչներու մեծ մասը դաժանաբար կոտորուեցան»։